Медициналық-санитариялық алғашқы көмек (МСАК) көрсету тәртібі
ҚР ДСМ 2023 жылғы 30 наурыздағы №49 бұйрығынан үзінді
72-тармақ
👥 Көмек көрсететін мамандар
- Жалпы практикалық дәрігер, терапевт, педиатр;
- Орта медицина қызметкерлері (фельдшер, акушер, мейірбике);
- Психолог және әлеуметтік қызметкер;
- Көмек амбулаториялық жағдайда немесе үй жағдайында көрсетіледі.
107-тармақ
📅 Дәрігерге жазылу жолдары
Қабылдау алдын ала жазылу бойынша жүзеге асады:
- Damumed мобильді қосымшасы арқылы;
- eGov.kz порталы («Жеке кабинет» арқылы);
- Емхананың Регистратурасы немесе Колл-орталығы арқылы (телефонмен немесе тікелей келу).
108-тармақ
🔍 Смотров кабинеті
Емханаға алғаш рет келген пациенттер ерлер/әйелдер смотров кабинетінен өтеді. Бұл ауруларды ерте сатыда анықтау және алдын алу үшін қажет.
139-тармақ
🏠 Дәрігерді үйге шақырту көрсеткіштері
Келесі жағдайларда пациент дәрігерді үйге шақырта алады:
Жедел жағдайлар:
- Дене қызуының 38°C-тан жоғары болуы;
- Қан қысымының күрт көтерілуі;
- Қатты бас айналу, жүрек айну, құсу;
- Омыртқа немесе буындардың қатты ауруы (қозғалыс шектелгенде);
- Көп реттік сұйық нәжіс.
Басқа да жағдайлар:
- Созылмалы аурулардың асқынуы (I-II топтағы мүгедектер, онкологиялық аурулар);
- Қоршаған ортаға қауіп төндіретін инфекциялық аурулар;
- Пациенттің тасымалдауға келмейтін жағдайы;
- Жедел жәрдем станциясынан берілген шақыртулар.
📌 Маңызды ақпарат: Медициналық көмек пациенттің немесе оның заңды өкілінің ақпараттандырылған келісімі алынғаннан кейін ғана көрсетіледі (106-тармақ).