«Абылхайырхан» ЖШС

ЭТИКАЛЫҚ КОДЕКСІ

Тағайындалуы

«Абылхайырхан» ЖШС-нің (бұдан әрі – Орталық) Этикалық кодексі Қазақстан Республикасының заңнамасына, Жарғысына және медициналық орталықтың басқа да ішкі құжаттарына сәйкес әзірленген. Бұл құжат медициналық ұйым қызметкерлерінің кәсіби қызметті жүзеге асыру кезіндегі мінез-құлықтарының этикалық нормалары мен қағидаттарының жиынтығын анықтайды.

Этикалық кодекс (бұдан әрі – Кодекс) қызметкерлер, қоғам және пациент арасындағы қатынастарды реттейді және жеке тұлғаның, сондай-ақ жалпы қоғамның құқықтарын, қадір-қасиетін және денсаулығын қорғауға бағытталған. Сонымен қатар медициналық қызметкердің өз қызметі үшін қоғам алдындағы жоғары моральдық жауапкершілігін айқындайды.

Осы Кодекс Қазақстан Республикасының Конституциясына, Қазақстан Республикасының 2020 жылғы 7 шілдедегі №360-VI «Халық денсаулығы және денсаулық сақтау жүйесі туралы» Кодексіне, өзге де нормативтік құқықтық актілеріне, сондай-ақ қоғам мен мемлекет мойындаған жалпы адамгершілік қағидаттарына негізделген.

ЖАЛПЫ ЕРЕЖЕЛЕР

Мақсаты мен міндеттері

Осы Кодекстің мақсаты – қызметкерлердің кәсіби міндеттерін лайықты орындауы үшін кәсіби мінез-құлық пен өзара қарым-қатынастың этикалық нормалары мен қағидаларын белгілеу.

Этикалық кодекс ұйым ішіндегі тұлғааралық қатынастарды реттейді және адамдардың бірлескен қызметіне моральдық мән береді.

Этикалық кодексті жасаудың негізгі міндеттері:

  • қоғамда ұйым немесе мамандық туралы оң көзқарас қалыптастыру;

  • қызметкерлерге әріптестермен және пациенттермен дұрыс қарым-қатынас жасауға көмектесу.

Қолдану саласы

Этикалық кодекс Орталықтың барлық қызметкерлерінің кәсіби қызметінде қолдануға арналған. Бұған адам өмірі мен денсаулығына байланысты қызмет атқаратын барлық медициналық қызметкерлер кіреді.

Анықтамалар, терминдер және қысқартулар

Осы Кодексте келесі негізгі ұғымдар пайдаланылады:

Медициналық қызметкер – кәсіби медициналық білімі бар және медициналық қызметті жүзеге асыратын жеке тұлға.

Пациент – ауруының бар-жоғына қарамастан медициналық қызметтердің тұтынушысы болып табылатын жеке тұлға.

Қызметкер – Компаниямен еңбек қатынастарында тұрған және еңбек шарты бойынша жұмыс атқаратын жеке тұлға.

Лауазымды тұлға – Орталықта басқарушылық өкілеттіктері бар тұлға.

Этикалық комиссия – қызметкерлердің кәсіби мінез-құлық этикасын сақтау мәселелерін қарайтын алқалы орган.

Ақпараттандырылған келісім – медициналық көмек немесе зерттеу жүргізуге пациенттің толық ақпарат алғаннан кейін жазбаша түрде берген ерікті келісімі.

Медициналық құпия – пациенттің медициналық деректері, медициналық көмекке жүгіну фактісі, диагнозы және тексеру немесе емдеу барысында белгілі болған басқа да мәліметтер.

«Абылхайырхан» ЖШС / Орталық – «Абылхайырхан» жауапкершілігі шектеулі серіктестігі.

Кодекс – «Абылхайырхан» ЖШС-нің Этикалық кодексі.

Адами ресурстарды басқару бөлімі (АРББ) – персоналды басқару бөлімі.

Нормативтік сілтемелер

  • Қазақстан Республикасының «Халық денсаулығы және денсаулық сақтау жүйесі туралы» Кодексі (07.07.2020 №360-VI)

  • Қазақстан Республикасының Еңбек кодексі (23.11.2015 №414-V)

  • Қазақстан Республикасы Президентінің мемлекеттік қызметшілердің әдеп нормаларын жетілдіру туралы Жарлығы

  • «Денсаулық» мемлекеттік бағдарламасы (2016–2020)

  • Дәрігерлік этиканың халықаралық кодексі (Хельсинки)

Жауапкершілік

Этикалық кодексті бекітуге Орталықтың бірінші басшысы жауапты.

Қызметкерлерді Кодекспен таныстыру және оқытуды ұйымдастыруға Адами ресурстарды басқару бөлімі жауап береді.

Этикалық кодекс Орталықтың барлық құрылымдық бөлімшелерінде қолданылады және барлық қызметкерлер үшін міндетті.

Әрбір қызметкер Орталықта қабылданған этикалық және моральдық нормаларды сақтауға міндетті.

ЭТИКАЛЫҚ ҚҰНДЫЛЫҚТАР МЕН ҚАҒИДАТТАР

Адамның өмірі мен денсаулығы – ең басты құндылық.

Медициналық қызметкердің қызметі:

  • адам өмірін қорғауға;

  • пациенттің қадір-қасиетін құрметтеуге;

  • мейірімділік пен жанашырлық танытуға;

  • әділдік пен адалдық қағидаларын сақтауға бағытталуы тиіс.

Медициналық қызметкер өз қызметінде:

  • Қазақстан Республикасының заңнамасын;

  • гуманизм мен мейірімділік қағидаларын басшылыққа алады.

Пациенттермен қарым-қатынаста медициналық қызметкер:

  • көмекке мұқтаж әрбір адамға медициналық көмек көрсетуі тиіс;

  • пациенттің құқықтарын, ар-намысын және қадір-қасиетін құрметтеуі тиіс;

  • қызметтік міндеттерін адал және сапалы орындауы тиіс;

  • этикалық нормаларды сақтап, сыпайы болуы тиіс;

  • шешімдерді тек пациенттің мүддесі үшін қабылдауы тиіс;

  • еңбек тәртібін сақтауы тиіс;

  • азаматтардың денсаулығын нығайтуға ықпал етуі тиіс.

Миссия

Маңғыстау облысының тұрғындарына заманауи медициналық технологиялар негізінде қауіпсіз әрі жайлы жағдайда жоғары кәсіби медициналық қызмет көрсету.

НЕГІЗГІ БӨЛІМ

Лауазымдық міндеттерді орындау

Әрбір қызметкер өз лауазымдық нұсқаулығын жақсы білуі және орындауы тиіс.
Бұл жұмыс барысында қателіктерді азайтады және міндеттердің қайталануын болдырмайды.

Ұжымның жетістігі – әр қызметкердің адал еңбегінің нәтижесі.

Еңбек тәртібі

Барлық қызметкерлер еңбек тәртібін және клиниканың ішкі ережелерін сақтауы тиіс.

Қызметкерлер ұйым жұмысына қатысты ұсыныстарын еркін түрде айтуға құқылы.

Сыбайлас жемқорлыққа қарсы саясат

Орталық сыбайлас жемқорлықтың кез келген түріне жол бермеу үшін барлық шараларды қолданады.

Қызметкерлер белгілі болған жемқорлық жағдайлары туралы басшылыққа хабарлауға міндетті.

Рұқсат етілмейтін әрекеттер

Медициналық қызметкерге:

  • дәрі өндіруші компаниялардан сыйақы алуға;

  • жалған ақпарат таратуға;

  • пациенттерден артықшылық алу мақсатында сыйлықтар қабылдауға;

  • заңға қайшы әрекеттер жасауға тыйым салынады.

Салауатты өмір салтын насихаттау

Медициналық қызметкер салауатты өмір салтын өз үлгісімен насихаттауы тиіс.

ҚЫЗМЕТКЕРЛЕР АРАСЫНДАҒЫ ҚАРЫМ-ҚАТЫНАСТАР

Қызметкерлер арасындағы қатынастар:

  • өзара құрметке;

  • сенімге;

  • кәсіби ынтымақтастыққа негізделуі тиіс.

Әріптестерді кемсітуге немесе пациенттердің алдында сынға алуға болмайды.

МЕДИЦИНАЛЫҚ ҚЫЗМЕТКЕР – ПАЦИЕНТ ҚАТЫНАСТАРЫ

Медициналық қызметкер:

  • пациентке сапалы және қауіпсіз медициналық көмек көрсетуге;

  • пациенттің ар-намысын құрметтеуге;

  • оның жеке өміріне қол сұқпауға;

  • медициналық құпияны сақтауға міндетті.

Ақпараттандырылған келісім

Пациент медициналық араласуға келісуге немесе бас тартуға құқылы.

Бұл келісім жазбаша түрде рәсімделуі тиіс.

Медициналық құпия

Медициналық қызметкер пациент туралы барлық ақпаратты құпия сақтауға міндетті.

ЖАУАПКЕРШІЛІК

Этикалық кодексті бұзған жағдайда қызметкерге мынадай тәртіптік шаралар қолданылуы мүмкін:

  • ескерту

  • сөгіс

  • қатаң сөгіс

  • еңбек шартын бұзу

ҚОРЫТЫНДЫ

Осы Этикалық кодекс «Абылхайырхан» ЖШС медициналық орталығының барлық қызметкерлері үшін міндетті болып табылады.

Кодексті бұзғаны үшін жауапкершілік дәрежесін Этикалық комиссия анықтайды.

Кодекстің жекелеген ережелерін қайта қарау және түсіндіру Этикалық комиссия арқылы жүзеге асырылады.